ما بيعرفش يوجفها

شلبية وفتحية قاعدين على المصطبة مع كوبية شاى وشوية فوصوليا بيقطعوا فيها



--------------------------------

شلبية: عايزة عريسك يكون شكله ايه يافتحتح؟
فتحية: عايزاه.. كدة يكون واد فى 22 عشان يبقى صغنوتوت كدة وحلو..
شلبية: يهدك عايزاه لما الناس تشوفه يقول اكبر منك..


فتحية: لا يابنتى ماهو انا اصغر منه بتلات سنين..
شلبية: ياعبيطة دول مايبانش عليهم سن !!


فتحية: طب عايزاه يكون واد روش كدة مش معقد وينكدها عليا..
شلبية: انتى يابت اتهبلتى فى مخك عايزاه لما كل واحدة تشوفه تقول مين الواد الروش الامور دة !!


فتحية: ايوةةة نفسى اتجوز واحد كدة يكون متدين ويعرف ربنا
شلبية: انتى يومك مش فايت النهاردة..عايزة تتجوزى واحد متدين يتجوز عليك وياحبيبتى بطبق الشرع وما تخرجييش وما تنزليش !!


فتحية: اه طب يكون عينيه خضرة وشيك كدة وواد انتيكة..
شلبية: انتى يابت هتيجبيلي الضغط بدرى عايزة لما الناس تشوفه يقولوا دة جوزها احلى منها مش عارفة بصلها على ايه..!!


فتحية: طب اقولك احسن حاجة اتجوز واحد يكون مبهدل كدة بلاش المحرتف دة
شلبية: ولما الناس تشوفه معاكى يقولوا عليه ايه متجوزة بياع ترمس دى ولا ايه !!


فتحية: انا نفسى اتجوز واحد يكون طيب كدة وابن حلال
شلبية: يابت ياخايبة مش عايزاه يكون له كلمة عليك ولا تهشيه كدة يقوم يقولك طيب ياحبيبتى !!


فتحية: طب نخليه سى السيد
شلبية: عايزاه يمشى كلمته عليك ومايبقاش لكى كلمة فى البيت وتبقى زى الفرخة قاعدة تهشى وتنشى ويجيبك شمال ويمين !!


فتحية: سيبك من دة كله طب خليه يكون كدة واد مثقف وبيعرف يتكلم
شلبية: يادى النيلة عليك عايزة تتجوزى واحد يقعد طول النهار يتفلسف عليك بالكلام اللى بيقراه فى الكتب ويقولك دة انتى مابتفهمييييش الا فى الطبخ..!!


فتحية: خلاص اكون انا مثقفة عنه..

شلبية: عايزة الناس تقول عليك ايه متجوزة واحد مابيعرفش يوجفها مابيرعرفش يوجفها !!


فتحية : خلالالالالالالالالالالالالالاص مش عايزة اتجوز