أنوشكا : بلاش رأيى فى الفيديو كليب علشان هيبقى سفالة !!

أنوشكا : بلاش رأيى فى الفيديو كليب علشان هيبقى سفالة !!





عايزة أعلم إبنى ياخد حقه ومايفرطشى فيه ، بس مش بالدراع ، بالحوار والمناقشة ، ومش لازم يكون قليل الادب ، بس الزمن ده مش زمن الطيبين ، نفسى أولادى يقولوا لباباهم : حضرت ، أنا نفسى أخلف "
هكذا استهلت المطربة المميزة أنوشكا فى برنامج حوار جرئ على مودرن .


سألتها المذيعة عن الرقص على المسرح فقالت : انا ساعات بارقص على المسرح ، اتمايل متفاعلة مع الاغنية ، لكن اللى بيحصل اليومين دول مش رقص ، اسمه استعراض للمفاتن ، وهذا لا يضيف للمطربة أى شئ بل يخصم من ر صيدها ، لكن التفاعل مع الجمهور بالرقص يكون بخطوات مدروسة وليس بالاثارة والرقص الشرقى .



الفنان الكبير حلمى بكر اتصل بالبرنامج لينتقد أنوشكا لأنها مقلة فى ظهورها على المسرح واحياء الحفلات ، وقال انها تقدم تنوعاً أكثر من رائع ، وهذا مانحتاجه حالياً ، مش هاقول انتى ام كلثوم الغناء لكن هاقول انتى أنوشكا الغناء ، يعنى ليكى مدرستك ، وحال الاغنية الآن لا يسر عدو ولا حبيب ، وفيروس الغناء أصاب كل المطربين واتقل الى المستمعين ، حتى صاروا كلهم شبه بعض ، وكل يوم يطلع نوع جديد من صنف اللامطربين هذا .

قالت أنوشكا : إيد لوحدها ما تسقفش ،عندنا ملحنين كبار وعايزين نعمل أوبريتات بجد وعروض موسيقية ترتقى بذوق الناس وتجد الجهة التى تمولها .


ولما سألتها منى بارومة عن الفييو كليب قالت : بلاش أقول رأيى علشان هيبقى فيه سفالة ، أنا بدأت أعرى كل حاجة ، وزاد معدل السفالة فى الغناء المصور .


استعراض للاجساد وحركات استفزازية والقنوات الفضائية ساعدت على كده بنش هذه الاغانى،والرقص بيتم بالعين والحاجب وده مش استعراض ، أنا ماعنيش مانع أعتبر وجود هذه النوعية من الاغانى علشان نميز بينها وبين الجيد ، لكن ده حتى المطربين بقوا يرقصوا بوسطهم دلوقتى ، آه ممكن الراجل يحطب أو يرقص بلدى لكن مش بوسطه زى الستات .
وعن مسرحية حلم بكرة التى تقوم ببطولتها قالت :
وقفت على مسرح سيد دويش وقلت يارب لأكون فنانة ، اشتغلنا المسرحية لمددة شهر ثم شهرين وفوجئنا أن لينا سنتين بنعرض دلوقتى .
سالتها المذيعة : حلم بكره بتاع أنوشكا إيه ؟
قالت : ما يكونشى فيه طوابير عيش ، وما تبقاش كل حاجة عيب وحرام ، واتمنى يكوةن بكره فيه جوايز للمخترعين والعلماء بدل ما يهاجروا بره .

** ولو هتكونى وزيرة هتختارى أى وزارة وهتعملى إيه ؟
__ أختار وزارة النقل والمواصلات وأول حاجة هاعملها إن الناس تمشى على رجليها ، ومن بعد سن 35 يركبوا بسكلته ، ومن 45 ممكن يركبوا كارتّة ، على الاقل مش هيبقى فيه تلوث والعربيات كلها تكون برة المدينة وكل الناس تستخدم المترو .