عدد الرسائل : 51 العمر : 37 تاريخ التسجيل : 17/05/2008
موضوع: رد: هل شخصيتك في المنتدى تطابق شخصيتك الحقيقية ؟؟؟ السبت يونيو 14, 2008 5:36 am
غاليتى جوليت الحب
أولا بتقدم ليكى باجمل وردة على الموضوع الجميل والأكثر من رائع
ثانيا ليا الشرف وف قمة السعادة انى أجاوبك على اسئلتك
* بنسبة كم في المائة تمثل الشخصية الحقيقية من شخصيتك بالمنتدى ؟؟؟ أولا احب اقولك ان الشخصيات على النت مش دايما بتختلف عن الحقيقة واجابتى دى بناء على تجارب وكم من شخص اتعاملت معاه على النت وظهر على الحقيقة كما توقعته بالضبط واكثر كمان بس أكيد مش كل الناس واحد أما بالنسبة ليا فانا 100% شخصيتى الحقيقية هيا الى فى المنتدى بس فى زيادة فى النت بمعنى ان النت بزيد فيه بالرخامة شوية ودى مش من عادتى الحقيقية او موجودة بس مش زيادة زى النت ودايما باخدها بروح الهزار كمان ناس كتير بتوصفنى بالغموض مع انى مش كده ابدا انا بس بمشى بمثل حرص ولا تخون ومش اى حد يعرف عنى شىء وده الشىء الطبيعى الى المفروض انه يحصل وكفاية علشان مش عاوز اطول
** هل تأثرت بشخصية المنتدى ؟؟؟ أكيد طبعا اتاثرت كتير بشخصية المنتدى فالنت عموما علمنى حاجات كتيرة جدا وزودنى معلومات كتيرة جدآ وخبرة فى الحياة الى احنا عايشينها وتعامل مع الناس ودى اهم حاجة وازاى افرق بين الشخص الكويس والشخص المنافق الى يكون فى وشك مبتسم ومن ظهرك .... واتعلمت ازاى احافظ على الناس الجميلة الى عرفتها واتعاملت معاها النت عالم تانى حياة زى الحياة الى احنا عايشينها بس فى مرحلة بيتخاف منها ان النت يكون وسيلة من وسائل الادمان ومدمن النت اشد بكتير من مدمن المخدرات والعقاقير ادمان الادوية والمخدرات سهلة ان الشخص يتعالج منها ويرجع لصحته مرة تانية أما النت بقى اولا العين بتجهد من الساعات المتواصلة الى المدمن بيستخدمها واكيد الى نظره بيضعف عمره ما يقوى تانى الا بمعجزة وربنا الخالق قادر على كل شىء ثانيا انه مضيع للوقت وأتمنى ان معظمنا ميكونش من مدمنين النت انا على نفسى بحاول اقلل من الفترات الى بدخل فيها للنت وكمان بحاول بتباعد الفترات دى والحمد لله وقت ما افكر فى البعد بستطيع بس اهم حاجة الواحد يلاقى بديل ليه علشان مايشعر بالحاجة اليه وعدم فقد الاحساس بعدم البعد ومش بقول كده علشان الناس كلها تبعد عن النت او هو شىء مش كويس لا طبعا بس يكون بحدود وبحرص.
*** ماذا قدمت لك الشخصية المثالية ( شخصية المنتدى ) ؟؟؟ اجابة السؤال ده فى الى قبله وبدون رخامة انا مش عاوز ردى يكون موضوع على موضوع تانى .
**** وهل أثرت على سلوكك العام ؟؟؟؟ أكيد هديكى مثل صغير اوى اكيد الطفل اكيد مش زى الشاب مش زى الرجل بالنسبة ليا ان النت ده مرحلة جميلة اتعلمت فيها كتير وكمان عرفت فيها ناس جميلة جدا مكنتش احلم بمعرفتهم على الحقيقة وكمان شوفت بعضهم والى محصليش الشرف وشوفتهم برده واثق انى لو شوفتهم هيطلعوا زى الصورة الى فى دماغى لكل واحد فيهم وزى الشاب بداية دخوله الشات اول كلمة بيقولها هاى وممكن نتعرف وانا مثلا قديم هضحك عليه وهفتكر اول ما دخلت الشات انا كمان لكن دلوقتى بما انى اقدم وعرفت الى هيحصل بالتالى مش هتعرف على حد الا اذا اتكلمت معاه كذا مرة زى كمان مفيش حد هيدلى اميله لحد الا ما يعرفه كويس مينفعش يدخل اول مرة شات ويطلب اميل من اى حد دون التعامل معاه .
***** والى أي مدى تشعر بانتمائك لها ؟؟؟؟ بحس ان النت ده جزء منى وان اى حد اتعاملت معاه وبقى صديق ليا او اخ كانه اخ فعلا واتمنى ان الكل يحس بالشعور ده ويفتخر بكل دقيقة قضاها مع الناس الجميلة دى ويعيش يومه كانه اخر يوم ليه فى الدنيا
فى الاخر بتاسف على الاطالة واذا كنت دخلت فى شىء خارج عن الموضوع بس يمكن حد يستفاد من كلامى او ذكر فان الذكرى تنفع المؤمنين .
ودومتى بكل ود وتقدير وخالص تحياتى للجميع أخوكم المخلص دائمآ محمد المصرى ،،
محمد المتعب المشرف
عدد الرسائل : 112 العمر : 39 تاريخ التسجيل : 17/05/2008
موضوع: رد: هل شخصيتك في المنتدى تطابق شخصيتك الحقيقية ؟؟؟ السبت يونيو 14, 2008 9:51 am
اختى جوليت
مظنش الشخصية بتتغير
انا عن نفسى شخصيتى واحدة مش بتتغير
ومشكور محمد على كلامك الجميل الذى افدنا جميعا
بأشياء غائبة عنا
تحياتى شوشو
محمد عصان المتعب
جوليت الحب المشرف
عدد الرسائل : 274 العمر : 39 تاريخ التسجيل : 17/05/2008
موضوع: رد: هل شخصيتك في المنتدى تطابق شخصيتك الحقيقية ؟؟؟ الإثنين يونيو 16, 2008 3:48 am
غاليه تسلمى ياقمر على رودك الجميله
تحياتى اليك
جوليت الحب المشرف
عدد الرسائل : 274 العمر : 39 تاريخ التسجيل : 17/05/2008
موضوع: رد: هل شخصيتك في المنتدى تطابق شخصيتك الحقيقية ؟؟؟ الإثنين يونيو 16, 2008 3:53 am
محمد المصرى بجد الشرفه ليه انا انك بترد على موضوعى
بجد كلامك جميله جدا وصح ومنطقى وياريت كل الناس تفهم وتتعلم
جوليت الحب المشرف
عدد الرسائل : 274 العمر : 39 تاريخ التسجيل : 17/05/2008
موضوع: رد: هل شخصيتك في المنتدى تطابق شخصيتك الحقيقية ؟؟؟ الإثنين يونيو 16, 2008 3:56 am
صح يا متعب بس اكيد فيك حاجات اتغير ولو بسيطة سواء لاحسن او للاوحش
السبت يونيو 07, 2008 2:36 pm
